Молитва Святому Луке Крымскому об исцелении

О всеблаженный исповедниче, святителю отче наш Луко, великий угодниче Христов. Со умилением приклоньше колена сердец наших, и припадая к раце честных и многоцелебных мощей твоих, якоже чада отца молим тя всеусердно: услыши нас, грешных, и принеси молитву нашу к милостивому и человеколюбивому Богу, Емуже ты ныне в радости святых и с лики ангел предстоиши. Веруем бо, яко ты любиши ны тою же любовию еюже вся ближния возлюбил еси, пребывая на земли.

Испроси у Христа Бога нашего, да утвердит чад Своих в духе правыя веры и благочестия: пастырям да даст святую ревность и попечение о спасении вверенных им людей: право верующия соблюдати, слабые и немощныя в вере укрепляти, неведущия наставляти, противныя обличати. Всем нам подай дар коемуждо благопотребен, и вся яже к жизни временней и к вечному спасению полезная: градов наших утверждение, земли плодоносие, от глада и пагубы избавление, скорбящим утешение, недугующим исцеление, заблудшим на путь истины возвращение, родителем благословение, чадом в страсе Господнем воспитание и научение, сирым и убогим помощь и заступление. Подаждь нам всем твое Архипастырское благословение, да таковое молитвенное ходатайство имущи, избавимся от козней лукаваго и избегнем всякия вражды и нестроений, ересей и расколов. Настави нас на путь, ведущий в селения праведных, и моли о нас всесильнаго Бога, в вечней жизни сподобимся с тобою непрестанно славити Единосущную и Нераздельную Троицу, Отца и Сына и Святаго Духа. Аминь.

Молитва Богородице для скорбящих матерей, потерявших сына

Господи, не оставь раба Твоего в прошении и прости, Господи, что не к тебе обращаюсь, а к Владычице, Деве Марии, скорбно прибегаю. Ее, матушку Сына Твоего, Иисуса Христа, просить буду. Владичице, Богородице, Ты, как ясный день, в сердце моем пребываешь. Ты – мать, и я – мать. Ты мать Сына Божьего, а я – сына земного. Ты, Владычице, потеряла Его на земле, и я безвременно покинута сыном. Помоги перенести потерю, как ты смогла. Не дай мне жестокосердия и душевной обиды, а дай сердцу моему любви смиреной, ибо Ты Сына Своего Богу поручила. И я своего Ему же поручаю. Не в скорби слезы истекающе, а радости осознавания дня грядущего прошу. Аминь.

Молитва в печали

Сердце мое возлюбило Тебя, Господи, и потому скучаю по Тебе и слезно ищу Тебя. Ты украсил небо звездами, воздух – облаками, землю же – морями, реками и зелеными садами, где поют птицы, но душа моя возлюбила Тебя и не хочет смотреть на этот мир, хотя он и прекрасен. Только Тебя желает душа моя, Господи. Приди, и вселись, и очисти меня от грехов моих. Ты видишь с высоты святой славы Твоей, как скучает душа моя по Тебе. Не оставь меня, раба Твоего; услышь меня, вопиющего, как пророк Давид: “Помилуй мя, Боже, по велицей Твоей милости”. Аминь.

Молитва о благословлении дома и о достатке в доме перед иконой Божией Матери “Покров Пресвятой Богородицы”

О Пресвятая Дево, Мати Господа Вышних Сил, Небесе и земли Царице, града и страны нашея всемощная Заступнице! Приими хвалебно-благодарственное пение сие от нас, недостойных раб Твоих, и вознеси молитвы наша ко Престолу Бога Сына Твоего, да милостив будет неправдам нашим и пробавит благодать Свою чтущим всечестное имя Твое и с верою и любовию покланяющимся чудотворному образу Твоему. Несмы бо достойни от Него помиловани быти, аще не Ты умилостивиши Его о нас, Владычице, яко вся Тебе от Него возможна суть. Сего ради к Тебе прибегаем, яко к несомненней и скорей Заступнице нашей: услыши нас, молящихся Тебе, осени нас вседержавным покровом Твоим и испроси у Бога Сына Твоего пастырем нашим ревность и бдение о душах, градоправителем мудрость и силу, судиям правду и нелицеприятие, наставником разум и смиренномудрие, супругом любовь и согласие, чадом послушание, обидимым терпение, обидящим страх Божий, скорбящим благодушие, радующимся воздержание: всем же нам дух разума и благочестия, дух милосердия и кротости, дух чистоты и правды. Ей, Госпоже Пресвятая, умилосердися на немощныя люди Твоя; разсеянныя собери, заблуждшия на путь правый настави, старость поддержи, юныя уцеломудри, младенцы воспитай и призри на всех нас призрением милостиваго Твоего заступления; воздвигни нас из глубины греховныя и просвети сердечныя очи наша ко зрению спасения; милостива нам буди зде и тамо, в стране земнаго пришельствия и на Страшнем суде Сына Твоего; преставльшияся же в вере и покаянии от жития сего отцы и братию нашу в вечней жизни со Ангелы и со всеми святыми жити сотвори. Ты бо еси, Госпоже, Слава небесных и Упование земных, Ты по Бозе наша Надеждо и Заступнице всех притекающих к Тебе с верою. К Тебе убо молимся и Тебе, яко Всемогущей Помощнице, сами себе и друг друга и весь живот наш предаем, ныне и присно, и во веки веков. Аминь.

Молитва при ненависти среди родственников

Благодарю Тебя, Господь и Бог мой, за все совершившееся надо мною! Благодарю Тебя за все скорби и искушения, которые посылал Ты мне для очищения оскверненных грехами, для исцеления изъязвленных грехами, моих души и тела! Помилуй и спаси те орудия, которые Ты употреблял для моего врачевания: тех людей, которые наносили мне оскорбления. Благослови их в этом и будущем веке! Вмени им в добродетели то, что они делали для меня! Назначь им из вечных Твоих сокровищ обильныя награды. Что же я приносил Тебе? Какие благоугодныя жертвы? Я приносил одни грехи, одни нарушения Твоих Божественных заповеданий. Прости меня, Господи, прости виновнаго пред Тобою и пред человеками! Прости безответнаго! Даруй мне увериться и искренно сознаться, что я грешник! Даруй мне отвергнуть лукавыя оправдания! Даруй мне покаяние! Даруй мне сокрушение сердца! Даруй мне кротость и смирение! Даруй любовь к ближним, любовь непорочную, одинаковую ко всем, и утешающим и оскорбляющим меня! Даруй мне терпение во всех скорбях моих! Умертви меня для мира! Отыми от меня мою греховную волю, и насади в сердце мое Твою святую волю, да творю ее единую и делами, и словами и помышлениями, и чувствованиями моими. Аминь.

Молитва от чужой ненависти Святителю Иоанну Милостивому

Святителю Божий Иоанне, милостивый защитниче сирых и сущих в напастех! К тебе прибегаем и тебе молимся, раби Твои (имена), яко скорому покровителю всех ищущих от Бога утешения в бедах и скорбех. Не престай молитися ко Господу о всех с верою притекающих к тебе! Ты, преисполнен сый Христовой любви и благости, явился еси яко чудный чертог добродетели милосердия и стяжал себе имя “Милостивый”. Ты был еси яко река, непрестанно текущая щедрыми милостями и всех жаждущих обильно напояющая. Веруем, яко, по преселении от земли на небо, усугубися в тебе дар благодати сея и яко соделался еси неисчерпаемый сосуд всякия благостыни. Сотвори убо своим ходатайством и заступлением пред Богом “всякия утехи”, да вси, прибегающии к тебе, обретают мир и безмятежие: даруй им утешение в печалех временных и пособие в нуждах житейских, всели в них надежду вечнаго упокоения в Царствии Небесном. В житии своем на земли ты был пристанище всем сущим во всякой беде и нужде, обидимым и недугующим; ни един от притекавших к тебе и просивших у тебе милости лишен бысть твоея благостыни. Тожде и ныне, царствуя со Христом на небеси, яви всем покланяюшимся пред честною твоею иконою и молящимся о помощи и заступлении. Не точию сам ты творил милость безпомощным, но и сердца других воздвигал к утешению немощных и к призрению убогих. Подвигни убо и ныне сердца верных к заступлению сирых, утешению скорбящих и успокоению неимущих. Да не оскудевают в них дары милости, паче же да веселится в них (и в дому сем, призревающем страждущих) , мир и радость о Духе Святе, – во славу Господа и Спаса нашего Иисуса Христа, во веки веков. Аминь.

Молитва об искоренении ненависти и злобы Святому апостолу и евангелисту Иоанну Богослову

О, великий апостоле, евангелисте громогласный, Богослове изящнейший, тайноведче непостижимых откровений, девственниче и возлюбленнейший наперсниче Христов Иоанне, приими со свойственным тебе милосердием нас, грешных (имена), прибегающих под твое сильное заступление и покровительство! Испроси Всещедраго Человеколюбца Христа и Бога нашего, Иже пред очесы твоими излиял еси кровь Свою дражайшую за нас, непотребных рабов Своих, да не помянет беззаконий наших, но да помилует нас, и да сотворит с нами по милости Своей; да дарует нам здравие душевное и телесное, всякое благоденствие и изобилие, научая нас обращати вся оная в славу Его, Творца, Спасителя и Бога нашего. По кончине же временныя жизни нашея да избегнем мы, святый апостоле, немилосердных истязаний, на воздушных мытарствах нас ожидающих, но да достигнем под твоим руководством и покровительством Горняго онаго Иерусалима, егоже славу во откровении ты зрел еси, а ныне наслаждаешися оныя радости, обещанныя избранным Божиим. О, великий Иоанне, сохрани вся грады и страны христианская, весь сию, храм сей, посвященный святому твоему имени, служащих и молящихся в нем, от глада, губительства, труса и потопа, огня, меча, нашествия иноплеменных и междоусобныя брани, избави от всякия беды и напасти, и молитвами твоими отврати от нас праведный гнев Божий, и испроси нам Его милосердие; О, великий и непостижимый Боже, Альфо и Омего, источниче и предмете нашея веры! Се на умоление Тебе предлагаем святаго Иоанна, егоже Ты сподобил еси познати Тебе, неисповедимаго Бога, в неизреченном откровении. Приими его о нас ходатайство даруй нам исполнение прошений наших, во славу Твою: а паче всего соверши нас духовным совершенством, к наслаждению жизни нескончаемыя в Небесных Твоих обителех. О, Небесный Отче, создавый вся Владыко, Душе духов, Всесильный Царю! Коснися перстом Твоим сердец наших, да и они, растаявше, яко воск, пролиются пред Тобою, и бренная тварь духовна сотворится, в честь и славу Отца и Сына и Святаго Духа. Аминь.

Молитва во время испытаний и бед

Яко щедрый, Господи, умилосердися на люди Твоя и, яко долготерпелив, презри прегрешения моя, примирися и помилуй мя. Благоутробне, долготерпеливе и всещедре Господи, ниспосли милость Твою на люди Твоя. Милостиве, помилуй, помилуй, помилуй нас, Господи. Боже, заступник мой еси Ты, и милость Твоя предварит мя. Изми мя от враг моих, Боже, и от восстающих на мя избави мя. Господи Боже мой, на Тебя я уповаю, спаси меня от всех гонителей моих и избави мя. В Твоей руке дни мои; избавь меня от руки врагов моих и от гонителей моих. Яви светлое лице Твое рабу Твоему, спаси меня милостью Твоею. Обнажи меч и прегради путь преследующим меня; скажи душе моей: «Я — спасение Твое!» А моя душа будет радоваться о Господе, будет веселиться о спасении от Него. Боже! не удаляйся от меня; Боже мой! Поспеши на помощь мне. Да постыдятся и исчезнут враждующие против души моей, да покроются стыдом и безчестием ищущие мне зла. Все заповеди Твоя — истина; несправедливо преследуют меня, помоги мне. Скорби сердца моего умножились; изведи меня от бед моих, сохрани душу мою и избавь меня, да не постыжусь, что я на Тебя уповаю. Боже, в помощь мою вонми: Господи, помощи ми потщися. Да постыдятся и посрамятся ищущие душу мою, да возвратятся вспять и постыдятся хотящии ми зла. Пресвятая Владычице, Всепетая, Благословенная, яко благолюбивая, утеши и помилуй мя. Аминь.

Молитва страдающего от пьянства

Господи, Боже наш, Щедрый и Многомилостивый, не хотяй смерти грешника, но еже обратитися и живу быти ему! Призри Милостивым Твоим Оком на меня, страждущего от пьянства раба Твоего. Ты веси скорбь мою о недуге моем, веси немощь естества моего, зриши силу великого и лукавого искусителя. Вразуми мя, омраченного умом, уврачуй недугующего, утверди мя в благоразумии, укрепи мя в воздержании, да не обладают мною уныние и нерадивость, да имам заботу о спасении души, о здравии тела во славу Твою и о благоденствии на пользу свою и на благо ближних. Да трезвенно поживу и достойно прославлю Имя Твое. Аминь.

Молитва за алкоголиков

Владыко Господи Иисусе Христе, Сыне Божий, не отвергай моего моления за недостойного, неверного и заблудшего раба Твоего (имя), еще не познавшего всю пагубу страстей к вину. Вложи в сердце его жалость к родным его, страждущим от его буйства, смири его ум, очисти его душу от душепагубного невоздержания и примири его с семьей. Да будет благословенно Имя Твое в сердцах их всегда, ныне, и присно, и во веки веков. Аминь.

Молитва Силам небесным

Всем чинам Ангельским

Вси святии Небесные Безплотные Силы, удостойте меня силы сокрушать все

зло и страсти под ноги мои. Святии Безплотные Серафимы, удостойте меня иметь пламенеющее сердце к Богу. Святии Безплотные Херувимы, удостойте меня иметь премудрость для славы Божией. Святии Безплотные Престолы, удостойте меня различать истину от неправды. Святии Безплотные Господства, удостойте меня господствовать над страстями, чтобы дух поработил плоть. Святии Безплотные Силы, удостойте меня иметь мужество в исполнении воли Божией. Святии Безплотные Власти, удостойте Меня иметь силу победы над злом. Святии Безплотные Начала, удостойте Меня служить Господу Богу в

непорочности сердца и дел рук моих. Святии Безплотные Архангелы, удостойте меня исполнять волю Господа нашего Иисуса Христа. Святии Безплотные Ангелы, удостойте меня руководствоваться заповедями Божиими во все дни жизни моей. Аминь.

Молитва от колдовства Архангелу Михаилу

О, святый Михаиле Архангеле, светлообразный и грозный Небесного Царя воеводо! Прежде Страшного Суда ослаби ми покаятися от грехов моих, от сети ловящих избави душу мою и приведи ю к сотворшему ю Богу, селящему на херувимех, и молися о ней прилежно, да твоим ходатайством поедет ю в место покойное. О грозный воеводо небесных сил, предстателю всех у Престола Владыки Христа, хранителю твердый всем человеком и мудрый оружниче, крепкий воеводо Небеснаго Царя! Помилуй мя грешнаго, требующаго твоего заступления, сохрани мя от всех видимых и невидимых враг, паче же подкрепи от ужаса смертнаго и от смущения диавольского, и сподоби мя непостыдно предстати Создателю нашему в час страшного и праведного суда Его. О всесвятый великий Михаиле Архистратиже! Не презри мене грешнаго, молящегося тебе о помощи и заступлении твоем в веце сем и в будущем, но сподоби мя тамо купно с тобою славити Отца и Сына, и Святого Духа во веки веков. Аминь.

Молитва Архангелу Михаилу о защите от врагов

Господи, Боже Великий, Царю безначальный, пошли, Господи, Архангела Твоего Михаила на помощь рабам Твоим (имя). Защити, Архангеле, нас от всех врагов, видимых и невидимых. О, Господень Великий Архангеле Михаиле! Демонов сокрушитель, запрети всем врагам, борющимся со мною, и сотвори их яко овцы, и смири их злобные сердца, и сокруши их яко прах перед лицом ветра. О, Господень Великий Архангеле Михаиле! Шестикрылый первый Князь и Воевода Небесных сил — Херувимов и Серафимов, буди нам помощник во всех бедах, скорбях, в печалях, в пустыни и на морях тихое пристанище. О, Господень Великий Архангеле Михаиле! Избави нас от всякия прелести диавольския, егды услышишь нас, грешных, молящихся Тебе, призывающих имя Твое Святое. Ускори нам на помощь и побори всех, противящихся нам, силою Честнаго и Животворящего Креста Господня, молитвами Пресвятой Богородицы, молитвами святых Апостолов, Святителя Чудотворца Николая, Андрея, Христа ради, юродивого, святого пророка Илии и всех святых великомучеников: святый мученики Никиты и Евстафия, и всех преподобных отцов наших, от века Богу угодивших, и всех святых Небесных Сил.

О, Господень Великий архангеле Михаиле! Помоги нам грешным (имя) и избави нас от труса, потопа, огня, меча и напрасной смерти, от великого зла, от врага льстивого, от бури поносимой, от лукавого избави нас навсегда, ныне и присно и во веки веков. Аминь. Святой Архистратиг Божий Михаил, молниеносным мечом Твоим отжени от меня духа лукавого, искушающего и томящего мя. Аминь.

Молитва перед операцией

Владыко Вседержителю, святой царю, наказуяй и не умерщвляяй оутверждаяй нисподающея, и возводяй незверженныя, телесныя человекови скорби испровляяй молимся тебе Боже наши раба твоего (имя) немошствующа посети милостью твоею. Прости ему всякое согрешение, вольное и не вольное.

Ей Господи врачебную твою силу си небесе ниспосли еже управети оуми и руку раба твоего лекаря (имя) да нуждную хирургию сотворити благополучно яко телесному недугу раба твоего (имя) совершенно исцелитися, и всякому нашествию неприязненному далеко отгнану быти от него. Воздвигни его от орда болезненного и даруй его здрава душею и телами благоугождающа и творяща волю твою. Твое бо есть еже миловати й спасти ны Боже наши и тебе славу возсылаеми Отцу и Сыну и Сятому Духу. Ныне и присно и во веки веком. Аминь.

Молитва от врагов

Господи Иисусе Христе! Сыне Божий! Огради нас святыми Твоими ангелами и молитвами Всепречистыя Владычицы нашия Богородицы и приснодевы Марии, силою Честного и Животворящего Креста, святого архистратига Божия Михаила и прочих небесных сил бесплотных, святого пророка и Предтечи крестителя Господня Иоанна Богослова, священномученика Киприана и мученицы Иустины, святителя Николая архиепископа Мир Ликийских Чудотворца, святителя Никиты Новгородского, преподобного Сергия и Никона, игуменов Радонежских, преподобного Серафима Саровского чудотворца, святых мучениц Веры, Надежды, Любови и матери их Софии, святых и праведных Богоотец Иоакима и Анны, и всех святых Твоих, помощи нам, недостойным, рабу Божию (имя). Избави его от всех навет вражеских, от всякого зла, колдовства, чародейства и лукавых человек, да не возмогут они причинить ему никоего зла. Господи, светом Твоего сияния, сохрани его на утро, на день, на вечер, на сон грядущий, и силою благодати Твоея отврати и удали всякие злые нечестия, действуемыя по наущению диавола. Кто думал и делал, верни их зло обратно, в преисподнюю, яко Твое есть Царствие и Сила, и Слава Отца, и Сына, и Святого Духа! Аминь.

Молитва о достатке Святителю Спиридону

О преблаженне святителю Спиридоне! Умоли благосердие Человеколюбца Бога, да не осудит нас по беззакониям нашим, но да сотворит с нами по милости своей. Испроси нам, рабам Божиим (имена), у Христа и Бога наше мирное безмятежное житие, здравие душевное и телесное. Избави нас от всяких бед душевных и телесных, от всех томлений и диавольских наветов. Поминай нас у престола Вседержителя и умоли Господа, да подаст многих наших грехов прощение, безбедное и мирное житие да дарует нам, кончины же живота непостыдная и мирныя и блаженства вечнаго в будущем веце сподобит нас, да непрестанно возсылаем славу и благодарение Отцу и Сыну, и Духу Святому, ныне и присно, и во веки веков! Аминь!

Молитва от врагов

Господи Царю Наш Небесный, дай силы мне рабу твоему(имя) сил простить врагов своих. Да будут низвержены помыслы их лихие, да обойдут стороною меня их дела нечистые. Молю о милости Твоей и защите от лукавого. Да исполнится воля Твоя, аминь.

Молитва Пресвятой Богородице при болезнях детей

Матерь Божия, введи меня во образ Твоего небесного материнства. Уврачуй душевные и телесные раны чад моих (имена), моими грехами нанесенные. Вручаю дитя мое всецело Господу моему Иисусу Христу и Твоему, Пречистая, небесному покровительству. Аминь.

Молитва о грехах рода

Господи Милосердный и Судия Праведный, наказывающий детей за нераскаянные грехи родителей до третьего и четвертого рода!

Помилуй и прости меня, мою семью, моих живых и уже усопших сродников и весь усопший мой род за великие и тяжкие грехи, за все самоубийства, убийства, колдовство, блуд, разврат, матершину, богохульство и все аборты совершенные в роде моем, и за все прочие тяжкие грехи, хуления, кощунства, скверны и беззакония рода моего от века содеянные, о нихже Ты вся веси, Господи.

Не остави нас до конца во гресех наших погибнути, но ослаби, остави, помилуй и прости меня, мою семью, моих родителей, моих живых и усопших сродников, весь усопший мой род. Разреши соузы греха и неправды, растерзай клятву, коей мы связаны за беззакония наша, сними проклятие за эти страшные грехи с меня и со всего моего рода. Аминь.